Kryetari i Kuvendit të Kosovës, Kadri Veseli, është takuar me pjesëtarët e Batalionit “Atlantiku”, të cilët para gati 20 vjetëve lanë SHBA për t’u bashkuar në luftën për liri.
Në një postim në Facebook, Veseli shkruan se pjesëtarët e Batalionit “Atlantiku” edhe pas përfundimit të luftës kanë vazhduar ta mbështesin vendin e tyre, për ta forcuar politikisht e zhvilluar ekonomikisht.
Postimi i plotë:
Pata kënaqësinë të takoj bashkëluftëtarët e mi nga Batalioni “Atlantiku”, të cilët para gati 20 vjetëve lanë Amerikën për të tu bashkuar në luftën për liri.
U takuam pikërisht në vendin ku ata ishin bërë bashkë për tu nisur për Kosovë, në Hotel Royal Regency.
Ata edhe pas përfundimit të luftës kanë vazhduar ta mbështesin vendin e tyre, për ta forcuar politikisht e zhvilluar ekonomikisht.
Këtë vullnet e kanë edhe sot dhe nuk do ta humbasin asnjëherë.
I ftova që bashkë të vijnë në Kosovë vitin e ardhshëm, që ta shënojmë bashkë 20-vjetorin e çlirimit të Kosovës.
