Ish-agjenti i SHIK-ut dhe ish-eprori i lartë i Ushtrisë Çlirimtare të Kosovës, TMK-së dhe policisë, ka reaguar ndaj atyre që po duan të jenë bajraktar të Ushtrisë, e cila pritet që të formohet këtë të premte nga Qeveria e Kosovës.
Ai ju thotë atyre bajraktarizmave që mos të harrojnë pasi, janë pikërisht ata që e kanë çarmatos UÇK-në dhe i kanë vjedhur fondet e luftës.
Miftari përmes një shkrimi në Facebook, thotë se, pikërisht këta janë ata persona që e kanë lanë Kosovën pa Ushtri.
“Ka filluar bajraktarizmi për çështje të ushtrisë hale pa ja nisur mirë, mos harroni ju jeni pikërisht qata që e kanë çarmatos UÇK dhe i keni vjedh fondet e ushtrisë për luftë, ju jeni pikërisht qata që 20 vjet Kosovën e keni lan pa ushtri duke gënjyer 20 vite nën stop se TMK pastaj edhe FSK janë ushtri.
Ju nuk keni të drejt të flisni e të na fryheni tani si Çuranat për formimin e ushtrisë apo për armët që do ti ketë ushtria jon, pasi ju me veprimet e juaja mafioze e me misione të renegatëve keni qen kundërshtarët kryesor që Kosova nuk ka ushtri të veten gjer sot”, shkruan Miftari, transmeton gazeta “Bota sot”.