SHBA-ja siç duket i ka vënë kusht Serbisë nëse dëshiron që t’i hiqet taksa nga Kosova. Kushtin për këtë ia ka bartur Serbisë zëvendës ndihmës sekretari i shtetit, Mathew Palmer, gjatë një takimi me presidentin serb Aleksandër Vuçiq.
Palmer ka thënë se nëse Serbia dëshiron që Kosova ta heq taksën, atëherë duhet të ndalojë fushatën e egër për tërheqjen e njohjeve të Kosovës nga vendet që e kanë njohur.
Mirëpo, Beogradi zyrtar ka hedhur poshtë ofertën e SHBA-së. Ministri i Punëve të Jashtme, Ivica Daçiq, ka thënë se SHBA shpreson kot sepse procesi i çnjohjeje është i pandalshëm.
Në lidhje me këtë çështjeve, Blerim Burjani njohës i çështjeve politike e juridike ka thënë për “Bota sot” se këtë qëndrim të njëjtë duhet të këtë edhe BE.
Sipas tij, Serbia e ka tepruar kaherë në luftë kundër njohjes së Kosovës, dhe këtë shembull duhet ta ndjek po ashtu Britania e Madhe.
“Patjetër se duhet të ndryshojë vija politike e perëndimit ndaj Serbisë, sepse ndryshe Serbia nuk merr vesh fare. SHBA-ja dhe BE-ja duhet të merren vesh që poqë se vazhdon kështu Serbia duhet suspenduar Serbinë për të marr pjesë në disa institucionet qendrore ndërkombëtare”, ka thënë Burjani.