Pas gjashtë orëve intervistim, ish-gjykatësi i UÇK-së, Sokol Dobruna, ka dalë nga zyra e Gjykatës Speciale në Kosovë, ku është intervistuar.
Ekipi i Televizionit 7 ka qëndruar para selisë së Dhomave të Specializuara në Kosovë, ku është intervistuar për gjashtë orë. Ai ka thënë se e kanë pyetur për veprimtarinë e tij në krye të gjykatës së UÇK-së.
“Veprimtaria e Gjykatës ka qenë shumë e shkurt. Prej 16 dhjetorit deri në fund të janarit”, ka thënë Dobruna pasi ka dalë në orët e mbrëmjes nga kjo zyrë.
Nuk ka treguar nëse është intervistuar si dëshmitar apo i dyshimtë. Tha se kjo nuk iu është specifikuar.
Ai ka thënë se është paraqitur me vetëdëshirë dhe do të vazhdojë të shkojë sa herë që e thërrasin nga Zyra e Prokurorit të Specializuar.
“Secili e ka për vete. Sipas mendimit tem, duhet me shku edhe me vërtetu pastërtinë e luftës”, ka thënë Dobruna.
Ai ka konfirmuar se do të paraqitet nesër dhe pasnesër në zyrën e Dhomave të Specializuar në Kosovë.