Nesër në orën 10:00 do të mbahet seancë e jashtëzakonshme për rezolutën e Dialogut dhe ligjit për dialogun me Serbinë.
Sipas mediave vendore marrëveshja për kalimin e tyre është arritur në mes të Partisë Socialdemokrate dhe maxhorancës.
Sipas rezolutës e cila pritet të votohet në Kuvendin e Kosovës lidhur me dialogun me Serbinë, kryetari i PSD-së, Shpend Ahmeti do të jetë bashkëkryesues i këtij procesi bashkë me Fatmir Limajn e Nismës Socialdemokrate.
Kjo seancë ishte paraparë të mbahej javën e shkuar por se kishte dështuar të mbahej.