Kryetari i Lëvizjes Vetëvendosje, Albin Kurti, ka thënë se ata që kanë iniciuar Projekt-Rezolutën për dialog me Serbinë, janë në mandatin e tyre të fundit, të cilin e kanë të pamundur ta çojnë deri në fund.
Sipas tij, ata nuk do të mund të bëhen më president, kryeministër, ministër i jashtëm, kryetar komune dhe deputetë.
“Pjesëtarët e grupit negociator, deputetët që e iniciuan atë, sikurse edhe vetë presidenti e kryeministri, janë në mandatin e fundit të tyre, e të cilin e kanë të pamundur ta çojnë deri në fund”, ka shkruar Kurti në llogarinë e tij të Facebook-ut.
“Nuk do të mund të bëhen më president, kryeministër e ministër i jashtëm, dhe as kryetar komune e deputetë (këta që dolën nga VETËVENDOSJE!). Ky është mandati i fundit i tyre. Andaj po sillen ashtu siç janë, si një bandë kaskaderësh”.
Më poshtë mund ta lexoni shkrimin e plotë të Kurtit në Facebook.
Pjesëtarët e grupit negociator, deputetët që e inicuan atë, sikurse edhe vetë presidenti e kryeministri, janë në mandatin e fundit të tyre, e të cilin e kanë të pamundur ta çojnë deri në fund. Nuk do të mund të bëhen më president, kryeministër e ministër i jashtëm, dhe as kryetar komune e deputetë (këta që dolën nga VETËVENDOSJE!). Ky është mandati i fundit i tyre. Andaj po sillen ashtu siç janë, si një bandë kaskaderësh.
