Kryetari i këtij forumi Zenun Pajaziti, vlerësoi se ky takim është kurorëzim i bashkëpunimit me shoqërinë civile. Ai tha se Kuvendi i Kosovës dallohet nga institucionet tjera në regjion.
Pajaziti: Kuvendi i Kosovës dallohet nga institucionet tjera në regjion
“Sot, kemi dashur që me këtë format të ndajmë mirënjohjen tonë të veçantë për organizatat e shoqërisë civile dhe t’iu falënderojmë nga këtu. Këtë vit përveç punës së vazhdueshme që i kemi bërë si forum, bashkërisht, me ato zotime që i kemi marrë, duke i miratu në kuvend një deklaratë për transparencë. Duke pasur parasysh një deklaratë tjetër për bashkëpunim me shoqërinë civile që prej vitit 2014, Kuvendi i Kosovës dallohet nga institucionet tjera në regjion dhe në vend për punën e vet të hapur që bënë për publikun. Dhe kjo duke iu falënderuar partnerëve tanë që janë rreth nesh” tha Pajaziti.
Ai po ashtu ka thënë se gjatë këtij viti ka qenë, e veçantë mënyra e komunikimit të deputetëve me qytetarët, duke shtuar se ky është një aktivitet i ri.
Ndërsa, sekretari i Kuvendit të Kosovës, Ismet Krasniqi, u shpreh se forumi i transparencës dhe angazhimi i tij ka kontribuar mjaft shumë, duke paraqitur kështu punën në Kuvendin e Kosovës.
Krasniqi: Kuvendi i Kosovës çdo tre muaj publikon shpenzimet e buxhetit
“Fal kësaj Kuvendi i Kosovës, administrata, ka arritur që përmes publikimit të shpenzimeve të transparencës në shpenzimet e buxhetit të kuvendit, për çdo tre muaj të jemi ndoshta një nga institucionet më publike me të dhënat e prezantuara. Gjithashtu qasja në dokumentet zyrtare në Kuvendin e Kosovës është në parametrat qind për qind. Pyetjet që vijnë nga gazetarët gjithashtu mund të them, Kuvendi ka një shkallë mbi 95 për qind të pyetjeve të cilat marrin përgjigje nga administrata”, tha ai.
Forumi për Transparencë Parlamentare, u ka ndarë mirënjohje organizatave, si: Instituti Demokratik i Kosovës, Instituti për Politika Zhvillimore, NDI, Democracy Plus, Toka, Grupi për Studime Juridike dhe Politike, “Mrezha” dhe organizatës për Sensibilizim dhe për Ardhmëri Evropiane.