Zëvendësministri i FSK-së, Burim Ramadani, ka thënë se Kosova dhe NATO nuk kanë fare raporte të tensionuara dhe se bashkëpunimi po vazhdon njëjtë çdo ditë, përcjell Bota sot.
Përmes një postimi në llogarinë e tij në Facebook, Ramadani e ka quajtur të pakuptimtë insistimin e Lufti Hazirit se ka tensione me NATO-n.
Madje, Ramadani ka thënë se po diskutohet për modelet e thellimit të partneritetit.
Postimi i tij i plotë në Facebook:
Kosova dhe NATO nuk kanë raporte të tensionuara. Fare.
Bashkëpunimi po vazhdon njëjtë dhe për çdo ditë. Komunikimi është i rregullt dhe pa asnjë mangësi.
Po flas për diçka që e bëjmë secilën ditë. Pa asnjëlloj tensionimi. Përkundrazi, ne po diskutojmë për modelet e thellimit të partneritetit.
I pakuptimtë insistimi i Lutfi Hazirit për "tensionimi e raporteve me NATO-n".