Uta Ibrahimi rrëfën tmerrin: Më ra guri 50 kilogramë mbi trup - Bota Sot
Uta Ibrahimi rrëfën tmerrin: Më ra guri 50 kilogramë mbi trup

Alpinizem

Uta Ibrahimi rrëfën tmerrin: Më ra guri 50 kilogramë mbi trup

Më: 29 gusht 2019 Në ora: 09:11
Uta Ibrahimi

Alpinistja nga Kosova Uta Ibrahimi përmes rrjetit social Facebook ka treguar se si i ka ndodhur lëndimi gjatë ngjitjes në Valbonë.

Ajo ka konfirmuar aksidentin që i ka ndodhur para dy ditësh rreth orës 16:00 gjatë zbritjes nga Maja e Rragamit.

Uta ka treguar momentin kur një guri rreth 50 kilogramë i ka rënë mbi trup.

“Është e vërtetë, e kam pas një aksident në Valbonë, datë 27.08 rreth orës 16:00 gjatë zbritjes nga tentimi për ngjitjen në Majën e Rragamit/Faqja Veriore, një rrugë teknike – bashk me Aurelin.
Në zbritje, afër përfundimit të ngjitjes teknike, lëviz një guri rreth 50Kg, fillimisht në këmbën e majtë dhe në trup i cili përfundon në thembër të kembës së djathtë dhe një përplasje edhe ma tutje te poshtë”, ka thënë alpinistja.

Ajo ka treguar edhe për gjendjen shëndetësore ku ka pasur lëndime dhe thyerje të eshtrave.

“Përveq lëndimeve të rënda në nyje dhe ligamenteve të këmbës, gjithashtu janë keq të thyera eshërat e thembrës së këmbës së djathtë – më sakt 4 gishatat në disa copa, copa-copa, dhe gishti i madh ne 8 copë që duhet intervenim mjeksor shumë shpejt”, ka shkruar Ibrahimi.

Ajo ka thënë se ky lëndim do të ja pamundësojë ekspeditat për këtë vit.

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...