Alpinistja e mirënjohur e Kosovës, Uta Ibrahimi, sot ka humbur njeriun me të shtrenjtë të familjes, babain.
Uta ka marrë me mijëra mesazhe ngushëlluese nga të afërmit, miqtë, shokë e shoqe dhe personalitete të shumta të jetës sportive e kulturore dhe politike.
Federata Bjeshkatare Alpiniste e Kosovës, i shpreh ngushëllime Utës dhe familjes së saj, për humbjen e më të shtrenjtit të tyre.
“E dashura Utë, në këto orë të dhimbshme, mendimet tona janë me Ty. Kjo ekspeditë e radhës, të sfidoi me shumë dhimbje, që largësia e bën edhe më të madhe.
Me pikëllim e dhimbje, dhe në pamundësi për të qenë afër teje në këto çaste, ne Federata Bjeshkatare Alpiniste e Kosovës, shprehim ngushëllimet tona më të thella për Ty dhe familjen Tënde, për ikjen e babait, shkëmbit Tënd, ku kishe mbështetje të sigurt gjithmonë.
Amaneti
“Kur të mendoni për mua,
mos u pikëlloni,
por kini guximin, të flisni për mua dhe të qeshni,
lëreni vendin tim midis jush, ashtu, siç e kisha gjatë gjithë jetës”.
Në emër të FBAK-ut, Arianiti, Teuta dhe Himi”, shkruan në telegram ngushëllimin e Federata Bjeshkatare Alpiniste të Kosovës.
