Lideri opozitar në Venezuelë, Juan Guaido, deklaroi sot se qeveria e presidentit Nicolas Maduro po përpiqet të transferojë 1.2 miliard dollarë nga banka për zhvillim e shtetit Bandes në një organizatë financiare në Uruguai, por nuk dha prova për pretendimet e tij.
Në fjalimin e tij në televizion, Guaido u kërkoi autoriteteve të Uruguait të mos lejojnë këtë operacion financiar, të cilin ai e dënoi dhe e karakterizoi si "vjedhje të fondeve publike", transmeton Reuters.
Ministria e Informacionit të Venezuelës ende nuk ka dhënë komente për akuzat e Guaido.
