Ndërhyrjet e huaja nuk patën asnjë ndikim në zgjedhjet legjislative të nëntorit 2018 në SHBA, siguroi sot qeveria amerikane.
Dy vite pas një presidenciale të njollosur nga ndërhyrjet ruse, SHBA-ja u tregua shumë e kujdesshme në zgjedhjet e mesmandatit.
Shërbimet sekrete njoftuan në shtator se kishin konstatuar ‘’sinjale’’ që vinin nga Rusia, Kina, Irani dhe Koreja e Veriut.
Presidenti Donald Trump urdhëroi në atë kohë Departamentet e Drejtësisë dhe Sigurisë së Brendshme për t’i paraqitur atij një raport tre muaj pas zgjedhjeve, për të vendosur sanksione në rast të ndërhyrjeve të pakundërshtueshme. /ATSH
