Ndërtimi i murit në kufirin me Meksikën ka futur prej kohësh në një përplasje Kongresin amerikan dhe presidentin Donald Trump.
Donald Trump e shpalli gjendjen e “emergjencës kombëtare” në fillim të këtij muaji si përpjekje për të shtyrë përpara planin e tij për ndërtimin e murit në kufirin jugor të vendit, pasi Kongresi nuk i akordoi mjetet e nevojshme për realizimin e këtij projekti.
Mirëpo, ligjvënësit e Dhomës së Përfaqësuesve pritet të votojnë një rezolutë me qëllim për të anuluar gjendjen e “emergjencës” që i mundëson presidentit Trump të transferojë fonde nga linjat e tjera buxhetore për ndërtimin e murit.
Dhoma e përfaqësuesve kontrollohet nga demokratët dhe pritet ta miratojë të njëjtën, por fati i saj është i paqartë në Senatin amerikan, shumicën e të cilit e përbëjnë republikanët.
