Në kryeqytetin e Kolumbisë, fëmijët venezuelianë, përfshirë foshnjat, kalojnë orë të tëra në kryqëzime të rrugëve për të kërkuar lëmoshë, ndërsa prindërit e tyre emigrantë shesin karamele ose u kërkojnë shoferëve disa monedha për të kaluar një ditë tjetër pasi kanë ikur nga atdheu në kërkim të një jete më të mire, shkruan AP.
Ndikimi i problemeve shkatërruese ekonomike, sociale dhe politike të Venezuelës ka rënë në të gjithë Amerikën Latine dhe Karaibet në vitet e fundit, pasi më shumë se 3 milion njerëz u larguan nga vendi. Ashtu si në rastin e emergjencave humanitare në mbarë botën, fëmijët janë më të prekshmit.
Rreth 1.1 milion fëmijë do të kenë nevojë për akses në shërbime të tilla si arsimi, kanalizimi dhe uji i pijshëm i sigurt në rajon këtë vit për shkak të krizës së migrantëve venezueliane, thotë UNICEF në një raport të ri. Agjencia për fëmijët tha se shifra e parashikuar është më shumë se dyfishi i numrit të fëmijëve që kanë nevojë për ndihmë të tillë tani, dhe shprehu shqetësim rreth raporteve të diskriminimit dhe dhunës ndaj fëmijëve dhe familjeve venezueliane.