Presidenti brazilian Jair Bolsonaro tha të mërkurën se kreu i opozitës venezueliane Juan Guaido nuk u mposht në përpjekjen e tij për të përmbysur regjimin majtist të Nicolas Maduro, duke thënë se një "çarje" është hapur që mund të sjellë rënien e qeverisë, shkruan AFP.
"Kjo nuk është aspak humbje ... Unë njoh frymën patriotike dhe demokratike të Juan Guaido në luftën e tij për lirinë e vendit të tij", u tha gazetarëve Bolsonaro pas një takimi të veçantë në ministrinë e mbrojtjes për të diskutuar krizën venezueliane.
"Ne kemi informacion se ka një çarje, duke iu afruar dhe më afër forcave të armatosura. Ekziston mundësia që qeveria të mund të rrëzohet," shtoi ai.
Por gjenerali Augusto Heleno, ministri për sigurinë institucionale dhe një këshilltar i ngushtë i Bolsonaros, ishte më skeptik në një intervistë me faqen e lajmeve të gazetës braziliane G1, duke përshkruar kryengritjen e së martës si një "lëvizje të çorganizuar që dukej si një betejë mes tifozëve të futbollit".
