Kultivuesit e kafesë kolumbiane, në vështirësi për shkak të spekulimeve në bursa - Bota Sot
Kultivuesit e kafesë kolumbiane, në vështirësi për shkak të spekulimeve në bursa

Amerika

Kultivuesit e kafesë kolumbiane, në vështirësi për shkak të spekulimeve në bursa

Më: 28 maj 2019 Në ora: 11:38
Foto

Rënia e çmimeve ka trazuar përditshmërinë e kultivuesve të bimës së kafesë në Kolumbi. Në zonat malore në perëndim të këtij vendi prodhohet kafeja më e kërkuar në botë, e megjithatë vendasit janë duke u përballur me humbje të mëdha, e për këtë fajësojnë spekulatorët në bursa që kanë detyruar uljen e çmimit në nivele rekord.

“Po marrim pagesa qesharake, – tha 50-vjeçari Gustavo Echeverry për “AFP”-në. – Është shumë larg asaj që supozohet të garantojë cerfitikimi i tregtisë së lirë të kafesë në mbarë globin, për të siguruar rritjen e saj në kushte barazie, në mënyrë që fermerët të mos shfrytëzohen”.

Disa prej kultivuesve në fshatin Santuario janë detyruar madje të heqin dorë nga kafeja e të rrisin diçka tjetër. Si për t’ua përkeqësuar situatën edhe më shumë, prodhimi i fundit u prek edhe nga kandrat.

Banorë si Ramon Jimenez, familja e të cilit është marrë prej 3 brezash me rritjen e bimës së kafesë, thonë se nëse kriza vazhdon gjatë kështu, do të heqin dorë prej saj e ndoshta do të largohen drejt Shteteve të Bashkuara.

Kolumbia është prodhuesja e tretë më e madhe e kafesë pas Brazilit dhe Vietnamit, megjithatë mbetet numri një në botë për sa i takon cilësisë së kokrrave të saj.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...