Sekretarja e shtypit e Shtëpisë së Bardhë, Sarah Sanders, do të lërë postin e saj në fund të qershorit, njoftoi presidenti i SHBA-së, Donald Trump.
Ai tha se zëdhënësja e tij do të kthehej në shtetin e saj në Arkansas, duke e lavdëruar atë si një një person me talent të “jashtëzakonshëm”.
Presidenti amerikan tha se shpreson që ajo do të kandidojë për guvernatore të Arkansasit.
After 3 1/2 years, our wonderful Sarah Huckabee Sanders will be leaving the White House at the end of the month and going home to the Great State of Arkansas....
— Donald J. Trump (@realDonaldTrump) June 13, 2019
"Ajo është një person shumë i veçantë, me talent të jashtëzakonshëm, e cili ka bërë një punë të pabesueshme", shkroi Trump.
Sanders filloi punën si zëvendës-sekretare e shtypit përpara se të zëvendësonte Sean Spicer, më 2017 si sekretare e shtypit.
Zonja Sanders, 36 vjeç, ka qenë një mbrojtëse e ashpër e presidentit, duke thënë me se Perëndia "donte që Donald Trump të bëhej president".
Sanders: Zoti ka dëshiruar që Trump të bëhet president
Trump nuk e ka emëruar menjëherë pasardhësin/en e Sanders.
