Sir Kim Darroch është dorëhequr si ambasador i Britanisë së Madhe në Shtetet e Bashkuara të Amerikës pas skandalit diplomatik ku rrodhën kabllogramet ku Darroch kritikon administratën e Trump.
Presidenti amerikan, Donald Trump, e cilësoi ambasadorin si “një budalla”, pas e-maileve ku Darroch e kishte quajtur administratën amerikane si të ngathët.
Zyra e Jashtme britanike e konfirmoi se Kim do të lirojë pozitën e tij.
Darroch deklaroi se dëshiron t’i japë fund spekulimeve duke thënë se rrjedhja e kabllogrameve e ka bërë të pamundur për të vijuar punën.
