Shtetet e Bashkuara së shpejti do të implementojnë një politikë të re dëbimi për emigrantët që do të anashkalojë gjykatat.
Sipas rregullave të reja, çdo emigrant pa dokumente që nuk mund të provojë se ka qenë në SHBA vazhdimisht për më shumë se dy vjet mund të dëbohet menjëherë.
Deri më tani, deportimet e përshpejtuara mund të zbatoheshin vetëm për ata të burgosur pranë kufirit që kishin qenë në SHBA për më pak se dy javë.
Këto masa pritet të publikohen të martën dhe të kenë efekt të menjëhershëm në të gjithë vendin.
Kundër këtyre masave kanë reaguar grupet e të drejtave të njeriut, të cilët kanë paralajmëruar se do të kërkojnë anulimin e saj përmes gjykatës.
