Presidenti amerikan, Donald Trump njoftoi se ka gjetur një marrëveshje me opozitën demokrate për buxhetin, duke shmangur në këtë mënyrë perspektivën e një paralize të administratës federale deri në zgjedhjet e ardhshme presidenciale.
"Jam i lumtur t’ju bëj me dije se është gjetur një marrëveshje në lidhje me buxhetin për dy vitet e ardhshme dhe tavanin e borxhit”, shprehej në një postim në Twitter presidenti amerikan, duke përmendur një “kompromis të vërtetë”.
Kjo marrëveshje ka të bëjë në veçanti me heqjen e tavanit të borxhit të SHBA-së për të shmangur një kolaps në pagesa.
Ai parashikon gjithashtu rritjen e shpenzimeve publike duke hequr tavanin buxhetor në fushën e mbrojtjes dhe për investimet kombëtare.