Një tragjedi që ka tronditur mbarë opinion amerikanë, ka ndodhur së fundmi në qytetin e New Yorkut.
Bëhet fjalë për vdekjen e dy binjakeve vetëm 1 vjeç brenda një automjeti, në një lagje të këtij qyteti.Një vdekje tmerrësisht tragjike pasi të miturit ishin harruar në makinë për 8 orë me radhë nga babai i tyre 39 vjeçar, i cili kishte parkuar makinën fillimisht në parkimin e një spitali në Bronx, aty ku punonte, por duke i harruar fëmijët brenda.
Djali dhe vajza e tij, binjake 1 vjeçare, kanë vdekur mesa duket si pasojë e mungesës së ajrit, ndonëse ende policia nuk është nxituar të japë detaje pasi duhet pritur autopsia.
Mariza dhe Phoenix Rodriguez u gjetën pa jetë në makinë. Autoritetet thonë se temperaturat maksimalisht të larta që kanë thyer rekordin e 40 viteve të fundit në New York kanë ndikuar që binjaket e vegjël të kenë këtë fat tragjik.
Babai 39 vjeçar është marrë në pyetje nga autoritetet dhe tani për tani është përjashtuar lënia me qëllim në makinë e dy fëmijëve.