Policia kishte anashkaluar paralajmërimin nga nëna e vrasësit të El Paso, 21-vjeçarit Patrick Crusius.
Nëna e vrasësit të El Paso, 21-vjeçarit Patrick Crusius, kishte lajmëruar policinë disa javë përpara sulmit, sepse ishte e shqetësuar për faktin që djali kishte një pushkë.
Lajmin e bëjnë me dije avokatët e familjes, sipas asaj që raporton Cnn.
Gruaja kontaktoi policinë e Allen, qytetit në Teksas ku djali banonte dhe përgjigja e kthyer nënës ishte që djali në moshën që ka mund të mbajë ligjërisht një armë zjarri.
Gjatë sulmeve në Teksas në një supermarket vdiqën 20 persona dhe u plagosën edhe mbi 22 të tjerë, mes të cilëve edhe katër foshnje katër muajshe.
