Maduro sfidon bllokadën e Shteteve të Bashkuara

Amerika

Maduro sfidon bllokadën e Shteteve të Bashkuara

Më: 8 gusht 2019 Në ora: 20:41
Venezuelë

Presidenti i Venezuelës Nicolas Maduro thotë se ai vazhdon të qëndrojë i fortë kundër një bllokade të vendosur nga Shtetet e Bashkuara ndaj Venezuelës e cila hyn në fuqi të shtunën.

Me mijëra vetë marshuan në Karakas ditën e mërkurë në mbështetje të tij, dy ditë pasi Shtetet e Bashkuara vendosën sanksionet më të ashpra ndaj Venezuelës.

Administrata e Presidentit Trump vendosi të ndalojë të gjitha kompanitë amerikane dhe individët të bëjnë biznes me qeverinë Maduro, si pjesë e një presioni për ta larguar atë nga pushteti.

Shtetet e Bashkuara ishin të parët prej më shumë se 50 vende që kanë njohur udhëheqësin e opozitës Juan Guaido si president të Venezuelës.

Kryengritja popullore e Juan Guaido-s e fillimit të këtij viti duket se po zbehet, por Shtetet e Bashkuara janë ende të vendosur për të larguar Nicolas Maduro-n dhe thotë se ndërhyrja ushtarake është ende një opsion.

Nicolas Maduro ka refuzuar të zhvillojë zgjedhje të parakohshme dhe ka përdorur dhunën kundër protestuesve antiqeveritarë.

commentFirst article
Sot mund të lexoni Shfletoni kopertinat