Mësuesi përdor metodën e pazakontë që nxënësit të mos kopjojnë, shpërthejnë polemikat

Amerika

Mësuesi përdor metodën e pazakontë që nxënësit të mos kopjojnë, shpërthejnë polemikat

Më: 2 shtator 2019 Në ora: 14:47
Foto

Një mësues në Meksikë përdori një metodë paradoksale për të mos lejuar që studentët e tij të kopjonin në provim. E gjithë klasa vuri kuti kartoni në kokë, në mënyrë që askush të mos shikonte përreth. Disa e kanë akuzuar Luis Juarez Texis, i cili është edhe drejtori i shkollës ku ndodhi incidenti, për poshtërimin që iu është bërë nxënësve të tij dhe shkeljen e të drejtave të tyre themelore.

Prindërit e studentëve e postuan foton në internet dhe u kërkuan publikisht autoriteteve që të largonin mësuesin.

“Ne i mohojmë këto akte poshtërimi, dhune fizike, emocionale dhe psikologjike”, thanë prindërit, të cilët thanë se ishin “të shqetësuar për edukimin e fëmijëve”.

“Ne i nxisim autoritetet dhe institucionet kompetente të sigurojnë të drejtat e të rinjve dhe të veprojnë menjëherë me heqjen e Luis Juarez Texis! Shpresojmë që akte të tilla dhune të mos anashkalohen! “, thanë prindërit.

Fotografia është bërë virale në internet, por shumica e përdoruesve, në vend që të dënojnë sjelljen e mësuesit – siç do të kishin shpresuar prindërit – e uruan për idenë e tij. Duke iu përgjigjur pyetjeve nga reporterët, vetë profesori theksoi se studentët ishin dakord me idenë.

commentFirst article
Sot mund të lexoni Shfletoni kopertinat