Pas 22 vjetësh me Google Earth gjendet trupi i një burri - Bota Sot
Pas 22 vjetësh me Google Earth gjendet trupi i një burri

Amerika

Pas 22 vjetësh me Google Earth gjendet trupi i një burri

Më: 13 shtator 2019 Në ora: 19:43
Florida

Për më shumë se dy dekada William Moldt nga Florida ishte raportuar i zhdukur, e një kërkim i rastësisht në Google Earth ka rezultat në gjetjen e eshtrave të tij.

William Moldt ishte shpallur i zhdukur në vitin 1997, në moshën 40 vjeçare, pasi nuk ishte kthyer në shtëpi pasi kishte dalë gjatë natës në Lantana të Floridas në SHBA.

Kërkimi për të kishte nisur, por ishte shuar – deri në muajin e kaluar kur një banor i mëparshëm i Grand Isles në Wellington, rreth 30 kilometra në perëndim të Lantanas, ishte duke e shikuar zonën përmes Google Earth kur e kishte parë një makinë të zhytur në një pellg.

Ish-banori i kësaj zone kishte kontaktuar pronarin, Barry Fay i cili më pas kishte përdorur një dron për të konfirmuar se ishte një makinë e bardhë buzë pellgut, prapa shtëpisë së tij, ka thënë zyra e Sherifit të Qarkut Palm Beach.

Pronari më pas kishte thirrur zyrën e Sheriffit më 28 gusht dhe zyrtarët më vonë arritën të gjejnë pjesën e jashtme të sedanit të bardhë. Pasi kishin nxjerrë makinën jashtë ujit, brenda saj u gjetën eshtrat e William Moldtit.

Barry Fay, prona e të cilit është afër pellgut, ka deklaruar për Palm Beach Post se kurrë nuk kishte vërejtur asgjë nga bregu.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...