Gjenden trupat e 44 njerëzve në një pus në Meksikë - Bota Sot
Gjenden trupat e 44 njerëzve në një pus në Meksikë

Amerika

Gjenden trupat e 44 njerëzve në një pus në Meksikë

Më: 15 shtator 2019 Në ora: 09:37
Meksikë

Ekspertët e forenzikës në Meksikë i kanë gjetur 44 trupa të njerëzve në një pus në provincën Jalisco.

Vendi ku u gjetën trupat e njerëzve ndodhet afër qytetit Guadalajara, ndërsa mbetjet e trupave ishin fshehur në 119 qese të zeza.

Trupat e njerëzve u gjetën pasi banorët lokalë ishin ankuar te autoritetet për erën e rëndë që kundërmonte në vendbanimin e tyre.

Kjo provincë shtrihet në një nga zonat më të dhunshme të bandave meksikane të drogës, ndërsa kjo është gjetja e dytë masive e trupave të njerëzve në këtë rajon vetëm gjatë këtij viti.

Raportohet se shumica e trupave ishin të prerë në disa copa, prandaj autoritetet u detyruan t’i bashkojnë ato për t’i identifikuar personat. Sidoqoftë, shumë pjesë të trupave ende kanë mbetur të paidentifikuara.

Një organizatë lokale, e cila merret me kërkimet për personat e zhdukur, ka kërkuar nga qeveria që në vendin ku u gjetën trupat të dërgojë më shumë specialist për të ndihmuar në procesin e identifikimit të trupave.

Zyrtarët e kësaj organizate thanë se departamenti lokal i forenzikës nuk i ka shkathtësitë e nevojshme për ta kryer këtë operacion, shkruan “BBC”/

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...