Udhëtarët në një fluturim të ‘Delta Airlines’ këtë javë u tmerruan pasi avioni i tyre kishte rënë për 9 kilometra, raporton CNN.
Avioni fluturoi nga Atlanta drejt Fort Lauderdale, por u dërgua në Tampa për masa paraprake.
Pasagjerëve iu dha maska oksigjeni dhe pilotët "shpejt u ulën në një mënyrë të kontrolluar", njoftoi Delta për televizionin WSB.
Kishte "parregullsi të presionit të kabinës gjatë fluturimit", njoftoi linja ajrore, sipas së cilës avioni u ul në mënyrë të sigurt në Tampa.
"Ranë maskat për oksigjen. U krijua kaosi në mesin e pasagjerëve", tregoi pasagjeri Harris Dewoskin.
Shërbëtori i fluturimit vazhdimisht u tha pasagjerëve të mos kishin frikë, por kjo nuk ndihmoi.
"Ishte padyshim një moment i lëkundshëm, kështu që pasagjerët rreth meje morën frymë shumë rëndë," tha Dewoskin.
Një pasagjer u frikësua aq shumë sa filloi të përqafonte djalin e tij dhe t'i tregonte familjes së tij se i donte ata.
"Në ato 60-90 sekonda të tmerrshëm, ne nuk dinim se çfarë po ndodhte," tha ai.
Avioni u inspektua nga teknikët e mirëmbajtjes së avionëve, raportoi kompania.
