Demokratët amerikanë kanë publikuar një aktakuzë kundër presidentit të SHBA-së Donald Trump.
Bëhet fjalë për një dokument me nëntë faqe që do t'i paraqitet Dhomës së Përfaqësuesve për një votim, transmeton KosovaPress.
Draft-rezoluta, e cila pret konfirmimin e Dhomës së Përfaqësuesve në të cilën demokratët kanë shumicë, adreson dy pika - shpërdorimin e pushtetit dhe pengimin e punës së Kongresit.
"Sjellja e presidentit ka treguar që ai do të vazhdojë të jetë një kërcënim për Kushtetutën nëse lejohet të mbetet në pushtet", thuhet në tekst.
Nancy Pelosi, kryetarja e Dhomës së Përfaqësuesve të SHBA-së, kërkoi më 5 dhjetor të shkruhet një aktakuzë kundër presidentit Trump për "shpërdorim detyre".
"Presidenti nuk na la zgjidhje tjetër, por të reagonim në përpjekjen e tij të përsëritur për të kompromentuar zgjedhjet tona për përfitimin tonë," tha Nancy Pelosi në atë kohë.
Një raport zyrtar i kohëve të fundit nga Komiteti i Inteligjencës së Dhomës së Përfaqësuesve tha se hetimi për fajësimin e Donald Trump ka grumbulluar shumë prova të "sjelljes së papërshtatshme" nga presidenti amerikan që vjen nga radhët e republikanëve.
