Moti i keq në SHBA, katër të vdekur e mijëra persona pa energji elektrike - Bota Sot
Moti i keq në SHBA, katër të vdekur e mijëra persona pa energji elektrike

Amerika

Moti i keq në SHBA, katër të vdekur e mijëra persona pa energji elektrike

Më: 11 janar 2020 Në ora: 20:46
Ilustrim

Të paktën katër persona kanë humbur jetën, më shumë se 1 mijë fluturime janë anuluar dhe me mijëra vetë kanë mbetur pa energji elektrike në pjesë të ndryshme të shtatë shteteve, nga Teksasi në Miçigan, si pasojë e një stuhie masive dëbore, që u shoqërua të shtunën edhe me breshër.

Sipas ekspertëve “rreziku i vërtetë pritet të vijë nga erërat e forta dhe akumulimi i akullit”.

Dy persona humbën jetën ndërsa stuhia shkatërroi rulotin e tyre në Luizianën veri-perëndimore të premten vonë. Media lokale njoftoi se një person i tretë vdiq pasi një pemë ra në shtëpinë e tij po në të njëjtin shtet.

Ndërsa personi i katërt humbi jetën të premten kur makina e tij doli nga rruga në një kthesë në Dallas, sipas rrjetit televiziv NBC.

Pasditën e së shtunën rreth 200 mijë shtëpi e biznese vazhdojnë të jenë pa energji elektrike në Teksas, Luizianë, Misisipi, Arkansas, Tenesi, Ilinois dhe Miçigan, pasdites e shtunës.

Sot mund të lexoni Shfletoni kopertinat