Një mbrëmje sfiduese ka pasur Micheal Bloomberg në debatin e Las Vegasit, i cili u sulmua nga të gjitha palët.
Gara e kandidatëve për nominimin presidencial të Partisë Demokratike, për muaj është zvogëluar, mirëpo, faza e debatit në Nevada ka sjellë prurje të reja të rëndësishme.
Që kur nisi për herë të parë fushatën e tij, ish kryetari i bashkisë së New York-ut, Micheal Bloomberg, u përball drejtpërdrejt me kundërshtarët e tij.
Pikërisht në fillim të garës kandidatët “sulmonin” me rend, kandidatin e fundit të kualifikuar në garë.
Bernie Sanders kritikoi politikat e Micheal Bloomberg gjatë kohës sa ishte kryetari i bashkisë së New Yorkut.
Kandidatja Elizabeth Warren ka akuzuar Bloomberg për marrëveshjet private që thuhet të ketë bërë ai me gratë, për të zgjidhur ngacmimet seksuale dhe paditë armiqësore në vendin e punës.
“Demokratët do të rrezikojnë shumë nëse zëvendësojnë një miliarder arrogant për një tjetër”, tha Warren, duke e krahasuar Bloomberg me Donald Trump.
Amy Klobuchar e akuzoi atë se fshihej pas reklamave të tij në televizion, ndërsa Joe Biden i përmendi Bloombergut kritikat e tij të së kaluarës për reformën e kujdesit shëndetësor të Barack Obamës.
Ndërkohë Pete Buttigieg i sulmoi të dy, Mike Bloomberg dhe Bernie Sanders, të cilët po udhëheqin në sondazhet kombëtare për momentin.
Ai ka thënë se nëse Sanders dhe Bloomberg janë kandidatët e vetëm që kanë mbetur në këmbë pas raundeve të ardhshme të votimit, demokratët do të lihen me dy figura polarizuese, një socialist që mendon se kapitalizmi është rrënja e të gjitha të këqijave dhe një miliarder që mendon se paratë janë rrënja e fuqisë.
“Ne nuk duhet të zgjedhim midis një kandidati që dëshiron të gropos këtë parti, dhe një kandidati tjetër që dëshiron ta blejë atë”, ka thënë ai.
Të gjithë kundërshtarët e sulmonin vazhdimisht Bloomberg, mirëpo raportohet se ai vazhdonte të luftonte për të vazhduar më tej.
Ai ka kërkuar falje për politikën e tij të ndaluar dhe të ashpër, duke deklaruar se ai nuk e kishte kuptuar se sa e dëmshme ishte për komunitetin e njerëzve me ngjyrë në qytetin e tij. Ai i ka qëndruar pranë vendimit të tij, për të mos hedhur poshtë marrëveshjet e diskutimit që mbajnë në detaje paditë kundër ndërmarrjeve të tij.
“Asnjë prej tyre nuk më ka akuzuar mua se kam bërë diçka të gabuar”, ka shtuar ai.
Kanë kaluar më shumë se 10 vjet që kur Bloomberg ka marrë pjesë në çdo lloj debati politik. Mirëpo mediat e huaja përballjen e fundit të Bloomberg e kanë konsideruar si dështim, si rënie me kokë në fund të pishinës, megjithëse publiku amerikan së shpejti do të vendosë nëse do të fundoset apo do të notojë.
Micheal Bloomberg ishte ai i cili sulmoi Sanders në këtë debat, duke deklaruar se ai nuk kishte asnjë shans që mund ta mposhte Donald Trump.
“Ne nuk do të heqim kapitalizmin”, i tha Bloomberg kandidatit Sanders.
“Ne e provuam atë, gjithashtu edhe vendet e tjera, sistemi i ngjante komunizmit dhe thjesht nuk funksionoi”, u shpreh Bloomberg.
Sanders pastaj shtoi se socializmi i tij demokratik nuk është komunizëm.
Ndërkaq Elizabeth Warren gjithashtu kritikoi Sanders për planin e kujdesit shëndetësor.
Debati i mbrëmshëm kishte zgjatur plotë dy orë, ishte një provë se di do të tensionoheshin gjërat.
Elisabeth Warren është normalisht një debatuese e qetë, por duke marrë parasysh numrat e dobët të rezultatit të sondazheve, sulmoi pothuajse të gjithë në debat.
Përformanca e Warren mund të ngreh pyetje se si do të ishte rezultati nëse ajo të kishte treguar këtë lloj fuqie para garës në New Hampshire, dhe se do të dëshironin ta shikonin atë kundër Donald Trump.
I pa prekur nga ky debat do të largohej Sanders me votat e tij nga sondazhet.
Të dy Biden dhe Warren treguan rezultate të mira në debat që shpresojnë se do të rindërtojnë fushatat e tyre para se të jetë shumë vonë.
Pas gjashtë ditësh do të jetë debati i ardhshëm në Charleston, në Karolinën e Jugut.
