Michael Bloomberg, ish-kryebashkiaku i New Yorkut, i ka dhënë fund fushatës së tij presidenciale.
“Tre muaj më parë, unë hyra në garën për president për të mposhtur Donald Trump. Sot, unë po e lë garën për të njëjtën arsye,” tha ai në një deklaratë.
Bloomberg ka shpenzuar më shumë se 500 milion dollarë të parave të tij në garën për t’u bërë kandidati i Partisë Demokratike.
“Nuk ka më ndonjë mundësi për ta siguruar nominimin e demokratëve”, ka bërë të ditur Bloombergu përmes një deklarate.
Duke e mbështetur Bidenin, Bloombergu ka thënë se do të punojë për ta bërë atë president të ardhshëm të SHBA-së.