“Trampolina funksionon”, tha Elon Musk, themeluesi i SpaceX i cili dërgoi dy astronautë në hapësirë të shtunën, në përgjigje të drejtorit të agjencisë hapësinore ruse që kishte tallur me pamundësinë e SHBA-së për të kryer fluturime të drejtuara nga hapësira.
Në një periudhë tensioni midis dy vendeve, dhe kur Moska kërcënoi të prishë bashkëpunimin hapësinor me Uashingtonin, Dmitri Rogozin kishte pohuar në vitin 2014 se astronautët amerikanë mund të kenë nevojë për një “trampolinë” për të arritur në Stacionin Ndërkombëtar Hapësinor (ISS).
“Trampolina funksionon”,tha Elon Musk këtë të diel gjatë një konference për shtyp, pas lëshimit të suksesshëm të një rakete nga kompania e tij SpaceX.
Pas fluturimit të grupit privat amerikan SpaceX, Rusia nuk është më e vetmja që dërgon astronautë në Stacionin Ndërkombëtar Hapësinor dhe humbja e këtij monopoli padyshim që do ta detyrojë atë të rimodelojë programin e tyre hapësinor, vlerësojnë ekspertët.
Spacex, i cili u nis nga Florida të shtunën me dy astronautë, mbërriti në Stacionin Ndërkombëtar Hapësinor pas një fluturimi 19-orësh.
