Nga SHBA, mes skenave tronditëse të dhunës policore dhe mllefit të protestuesve për vrasjen e George Floyd, vjen një skenë që ka pushtuar internetin.
Videoja tregon personat e bardhë, banorë të Houston në shtetin e Teksasit, duke u gjunjëzuar para fqinjëve të tyre me ngjyrë dhe duke iu lutur për falje.
“Ne kërkojmë falje ndaj vëllezërve dhe motrave tona me ngjyrë për vite e vite racizmi, racizëm sistemik”, mund të dëgjohet duke thënë një njeri i bardhë që fliste në krye të të mbledhurve, në një fjalim që ishte në të njëjtën kohë një lutje ndaj Zotit dhe një lutje për falje.