Ish-sekretari i Shtetit Amerikan, Colin Powell, e ka mbështetur kandidatin demokrat Joe Biden për t’u bërë president i Shteteve të Bashkuara të Amerikës.
Powell është republikani i parë i cili publikisht e mbështetë rivalin e bashkë-partiakut Donald Trump në zgjedhjet e nëntorit, shkruan Reuters.
“Unë nuk mund ta mbështes në asnjë mënyrë Presidentin Trump këtë vit”, ka thënë Powell, i cili nuk e votoi Trumpin në vitin 2016.
I pyetur nga CNN se do ta votojë Bidenin, ai ka thënë se “Unë do të votoj për të”.