Një punëtore e një dyqani në Kaliforni u pezullua nga puna, pasi e spërkati një klient me gazë lotsjellës, pasi ky i fundit nuk pranoi ta bartte maskën dhe i njëjti ia ‘përplasi’ karrocën.
Sipas medieve të huaja, incidenti raportohet të ketë ndodhur më 15 korrik në një dyqan në Los Angeles.
Punonjësja i kishte thënë burrit se duhet ta vendoste maskën ose të largohej nga objekti.
Burri me këtë rast thuhet se e ai ia ‘përplasi’ karrocën tregtare punëtores dhe si përgjigje ajo e spërkati me gazë lotsjellës dhe e thirri policinë.
Ndërkohë, një dëshmitar tha se konsumatorët evidentuan një person i cili shkaktoi trazira në dyqan.
Bëhet e ditur se burri u dërgua në spitalin lokal, dhe mbetet ende e paqartë nëse i njëjti do të përballet me ndonjë akuzë.
