Presidenti i SHBA-së Donald Trump do të jetë nikoqir i ceremonisë së nënshkrimit të marrëveshjes për normalizimin e marrëdhënieve midis Izraelit dhe Emirateve të Bashkuara Arabe më 15 shtator, konfirmoi sot një zyrtar i lartë i Shtëpisë së Bardhë.
Zyrtari i Shtëpisë së Bardhë, i cili dëshironte të mbetej anonim, tha se dy delegacionet në ceremoni do të drejtohen nga kryeministri izraelit Benjamin Netanyahu dhe ministri i Jashtëm i Emirateve Shejh Abdul bin Zayed al-Nahyan.