Hetuesit e Kombeve të Bashkuara thonë se Qeveria e Venezuelës ka “kryer shkelje të ashpra” deri në krime kundër njerëzimit.
Rastet e vrasjeve, torturave, dhunës dhe zhdukjeve u hetuan në një mision për gjetjen e fakteve për Këshillin e KB të të Drejtave të Njeriut.
Ekipi i KB tha që presidenti Nicolás Maduro dhe zyrtarë të tjerë të lartë ishin të implikuar.
Ambasadori i Venezuelës në OKB e ka përshkruar misionin si një “iniciativë armiqësore”.
Ambasadori Jorge Valero tha vitin e kaluar se veprimi i Kombeve të Bashkuara ishte pjesë e një fushate të udhëhequr nga SHBA. Ekipi i Kombeve të Bashkuara u bllokua nga udhëtimi në Venezuelë.
Venezuela po vuan një krizë të rëndë ekonomike dhe politike. Miliona njerëz kanë ikur në vitet e fundit.
Në këtë raport u tha se shërbimet e sigurisë së Venezuelës ishin përfshirë në një model dhune sistematike që nga viti 2014, që synonte të shtypte opozitën politike dhe të terrorizonte në përgjithësi popullsinë.
Maduro dhe ministrat e brendshëm dhe të mbrojtjes jo vetëm që ishin të vetëdijshëm për krimet, por dhanë urdhra dhe se patën operacione të koordinuara, sipas raportit.