Presidenti i Shteteve të Bashkuara të Amerikës, Donald Trump, deklaroi dje se SHBA po shikon se çfarë mund të bëjë për të ndaluar dhunën midis Armenisë dhe Azerbajxhanit mbi rajonin e okupuar Nago-Karabak.
Trump u tha gazetarëve në një konferencë shtypi në Shtëpinë e Bardhë se SHBA kanë “shumë marrëdhënie të mira në atë zonë. Ne do të shohim nëse mund ta ndalojmë atë”, shkruan Anadolu.
Kujtojmë se përleshjet kufitare shpërthyen mëngjesin e djeshëm pasi forcat armene shënjestruan vendbanimet civile të Azerbajxhanit dhe pozicionet ushtarake në rajon, i cili njihet gjithashtu si Karabaku i Epërm.
Marrëdhëniet midis dy kombeve ish-sovjetike kanë qenë të tensionuara që nga viti 1991, kur ushtria armene ‘pushtoi’ Karabakun e Epërm, një territor i njohur ndërkombëtarisht i Azerbajxhanit.
Katër rezoluta të Këshillit të Sigurimit të OKB-së dhe dy rezoluta të Asamblesë së Përgjithshme të OKB si dhe shumë organizata ndërkombëtare kërkojnë tërheqjen e forcave pushtuese.
Grupi i Minskut i OSBE bashkë-kryesuar nga Franca, Rusia dhe SHBA – u formua në 1992 për të gjetur një zgjidhje paqësore të konfliktit, por pa rezultat. Sidoqoftë, një armëpushim u ra dakord në 1994.
Franca, Rusia dhe NATO, ndër të tjera, kanë kërkuar një ndalje të menjëhershme të përleshjeve në rajonin e okupuar.