Ambasadori amerikan që është edhe emisar special i Shteteve të Bashkuara për dialogun Kosovë – Serbi, Richard Grenell, ka reaguar në Twitter pas debatit mes presidentit Trump dhe Joe Biden, duke thënë se Bideni e humbi kontrollin.
“Dhe përsëri, Joe Biden e humbi kontrollin. Ai godet “Ti je presidenti më i keq në histori”, shkroi Grenelli në Twitter.
And again, @joebiden loses it. He lashes out “You are the worst President in history!”
— Richard Grenell (@RichardGrenell) September 30, 2020
Ndryshe, Presidenti i Shteteve të Bashkuara, Donald Trump, dhe kandidati demokrat për këtë post, Joe Biden, janë përplasur për disa çështje gjatë debatit të parë për zgjedhjet presidenciale të 3 nëntorit.
Sipas një ankete të organizuar nga televizioni CNN, gjashtë në dhjetë përcjellës të debatit mes dy kandidatëve presidencialë në Shtetet e Bashkuara mendojnë se Joe Biden ka dalë fitues, ndërsa vetëm 28 për qind besojnë se debatin e fitoi presidenti aktual.
