Kandidati për president të SHBA’ve nga radhët e Demokratëve, Joe Biden, njihet për tregimet e tij të cilat ndonjëherë kanë të bëjnë me rininë e tij, ndonjëherë me disa kujtime që lidhen me babain e tij, e një gjë e tillë nuk i shpëtoi as në debatin që kishte përballë Trump, që u ndoq në masë të madhe nga të gjithë, dhe u përcoll me komente të ndryshme.
E pikërisht gjatë këtij debati, Biden përmendi një frazë e cila i përket fesë muslimane ‘’Inshalllah’’.
Ishte momenti kur Trump po pyetej nëse kishte paguar taksat rregullisht, dhe Biden e pyeti nëse se ka bërë këtë kur do ta bënte.
‘’Miliona dollarë, dhe do i shohësh edhe ti’’, tha Trump, kur u pyet se sa shumë ka paguar taksa.
‘’Kur?’’, ia ktheu Biden. ‘’Inshallah.’’
Kjo frazë nga 77 vjeçari, i cili i përket fesë së krishterë nuk iki pa u bërë viral në rrjetet sociale.
Biden dropped an "Inshallah" at the debate. pic.twitter.com/DLrGWR3eGb
— Waleed Shahid (@_waleedshahid) September 30, 2020
Madje përdoruesit e Twitter ende iu dukej e pabesueshme se ai kishte thënë këtë gjë, por ishin anëtarët e fushatës së Biden të cilët pohuan se ai kishte thënë këtë gjë.
Kjo frazë ka kuptimin ‘’Dashtë Zoti’’ në gjuhën arabe, por më shumë përdoret në formën e përgjigjes sikur ‘’nuk do ndodh’’ ose ‘’nëse ndodh ndonjëherë’’.
Megjithëse popullsia myslimane e SHBA-së është relativisht e vogël – vetëm rreth 1 përqind e elektoratit amerikan – ata përbëjnë popullsi të madhe në shtete të ndryshme si Michigan, Ohio dhe Florida.