Grenell: Evropianët po duan ta kthejnë në krye të SHBA-së të dobëtin Biden

Amerika

Grenell: Evropianët po duan ta kthejnë në krye të SHBA-së të dobëtin Biden

Më: 19 tetor 2020 Në ora: 13:33
Richard Grenell

Emisari special i Shteteve të Bashkuara të Amerikës, Richard Grenell ka publikuar disa të dhëna të një sondazhi se kë do ta votonin evropianët për president të SHBA-së nëse do të merrnin pjesë në këto zgjedhje.

Sipas sondazhit që e ka shfaqur Grenell në Twitter, 83% të qytetarëve të Bashkimit Evropian do të votonin për kandidatin demokrat, Joe Biden, ndërsa 17% do të votonin për kandidatin republikan, Donald Trump, pjesë e administratës së të cilit është edhe vetë ai.

Grenell ka kritikuar qytetarët evropianë për përzgjedhjen, duke e quajtur Joe Biden si të dobët.

 

“Evropianët duan ta kthejnë të dobëtin”, ka shkruar Grenell.

Grenell është përfshirë intensivisht në fushatën elektorale për zgjedhjet e sivjetme presidenciale në SHBA. Ai kërkon që amerikanët t’ia dhurojnë Donald Trump edhe një mandat të dytë në krye të shtetit më të fuqishëm në botë.

commentFirst article
Sot mund të lexoni Shfletoni kopertinat