Reagojnë demokratët: Nëse Trumpi e fal Flynnin, ai do të ‘vepronte si një figurë e krimit të organizuar’

Amerika

Reagojnë demokratët: Nëse Trumpi e fal Flynnin, ai do të ‘vepronte si një figurë e krimit të organizuar’

Më: 25 nëntor 2020 Në ora: 21:03
Adam Schiff

Adam Schiff (D-CA) tha se presidenti, Donald Trump do të “vepronte si një figurë e krimit të organizuar” nëse do ta falte ish-këshilltarin e sigurisë kombëtare, Michael Flynn.

Schiff, kryetar i Komitetit të Inteligjencës së Dhomës, pohoi se një veprim i tillë, “sinqerisht reflekton se sa e sëmurë është demokracia jonë”, raporton newsweek.

“Imagjinoni çfarë mendojnë njerëzit në të gjithë botën kur kemi një president, i cili po vepron si një figurë e krimit të organizuar”, tha ai duke shtuar se “ky është ai që është Donald Trump”.

Mediat amerikane kanë raportuar se presidenti po planifikon ta falë Flynn, i cili u deklarua fajtor rreth gënjeshtrave për Byronë Federale të Hetimit (FBI) në lidhje me kontaktet me Rusinë gjatë tranzicionit të vitit 2016.

Flynn ishte i vetmi ish zyrtar i Shtëpisë së Bardhë që u deklarua fajtor në hetimin e udhëhequr nga ish-këshilltari special, Robert Mueller për ndërhyrjen e zgjedhjeve të Rusisë. 

Shfaq komentet
comments powered by Disqus
Sot mund të lexoni Shfletoni kopertinat