Një zyrtar policor në Massachusetts ka refuzuar të dënojë dy gra të akuzuara se tentuan të vjedhin ushqim për fëmijët e tyre, duke u blerë atyre një drekë Krishtlindjeje.
Polici Matt Lima ishte njoftuar më 20 dhjetor se në një dyqan, dy gra me dy fëmijë po fusnin në çantat e tyre ushqime pa i skanuar për pagesë, shkruan AP.
Dy gratë kishin thënë se kishin rënë në vështirësi ekonomike dhe se po përpiqeshin të sigurojnë një drekë për Krishtlindje për fëmijët e tyre.
Lima thotë se ishte kujtuar për fëmijët e tij dhe se kishte përdorur paratë për t’u blerë atyre 250 dollarë ushqime.
