Parlamenti skocez të mërkurën refuzoi thirrjen e qeverisë për të hetuar se si Donald Trump financoi blerjen e dy resorteve të golfit në Skoci.
Partia e Gjelbër e Skocisë solli një mocion duke u bërë thirrje ministrave të kërkonin një “hetim të pasurisë së pashpjegueshme” (UWO) kundër ish-presidentit amerikan. Ajo u mund me një votë prej 89 kundër 32, raporton reuters.
Bashkë-drejtuesi i partisë, Patrick Harvie tha se kishte shqetësime të gjata për sjelljen financiare të Trumpit, duke e përshkruar ish-presidentin, si “një teoricien i pandershëm, racist, konspiracioni i pabesueshëm” me të cilin Skocia nuk duhet të ishte lidhur kurrë.
Djali i Trump, Eric, nënkryetari ekzekutiv i Organizatës Trump, tha se politikanët duhet të përqendrohen në shpëtimin e jetës dhe rihapjen e bizneseve.
Humza Yousaf, ministri skocez i drejtësisë, tha se Trumpi ishte një “individ i mjerueshëm”, por nuk ka rast që të fillonin hetime.
Ministrat skocezë kanë fuqinë t’iu kërkojnë Gjykatave të hetojnë një person për korrupsion.
