Ai nuk donte të pushohej nga puna, kështu që dha dorëheqje.
Ish-Presidenti Donald Trump paraqiti të enjten dorëheqjen e tij nga SAG-AFTRA, union që përfaqëson afërsisht 160,000 profesionistë, nga aktorë dhe muzikantë te profesionistë të medias, shkruan CNN.
Dorëheqja e Trump vjen vetëm disa javë pasi Bordi Kombëtar i unionit votoi që anëtarësia e tij të rivlerësohet nga një komitet disiplinor, në lidhje me atë që një deklaratë për shtyp në atë kohë e quante “rolin e Trump në nxitjen e sulmit në Kapitolin e SHBA më 6 janar”.
“Donald Trump sulmoi vlerat që ky union i ka më të shenjta – demokracinë, të vërtetën, respektin për shokët tanë amerikanë të të gjitha racave dhe besimeve dhe shenjtërinë e shtypit të lirë”, tha presidentja e sindikatës Gabrielle Carteris.
“Ekziston një vijë e drejtë nga shpërfillja e tij e gabuar për të vërtetën deri te sulmet ndaj gazetarëve të kryera nga ndjekësit e tij”, shtoi ajo.
Në letrën e tij të dorëheqjes, drejtuar direkt Carteris dhe e bërë e disponueshme nga SAG-AFTRA në faqen e saj zyrtare, Trump shkroi, “Unë nuk dëshiroj më të jem pjesë e unionit tuaj”, duke cituar ato që ai tha “dështimet e politikave”
“Organizata juaj ka bërë pak për anëtarët e saj dhe asgjë për mua, përveç mbledhjes së detyrimeve dhe promovimit të politikave dhe ideve të rrezikshme jo-amerikane, siç shihet nga nivelet tuaja masive të papunësisë dhe proceset gjyqësore nga aktorët e famshëm, të cilët madje regjistruan një video duke kërkuar, “Pse sindikata nuk lufton për mua?”, shkroi Trump, i cili ishte i njohur më mirë si nikoqiri i “The Apprentice” para hyrjes në zyrë.
Video që ai i referohej ishte një pjesë e lëshuar vitin e kaluar në përgjigje të planit të ri shëndetësor të unionit.
“Ju nuk keni bërë asgjë për mua”, shtoi Trump, duke përmendur krenarinë e tij në paraqitjet që bëri në filma si “Home Alone 2” dhe “Zoolander”.
Në përgjigje të dorëheqjes së Trump, sindikata lëshoi një deklaratë që thjesht shkroi: “Faleminderit”.
