Gruaja e “mbretit” të drogës Joaquin “El Chapo” Guzman Loera u arrestua të hënën në Virginia me akuzat në lidhje me përfshirjen e pretenduar në trafikun ndërkombëtar të drogës, njoftoi Departamenti i Drejtësisë së SHBA-së.
Emma Coronel Aispuro, 31, u kap në Aeroportin Ndërkombëtar të Dulles dhe po përballet me akuza për komplot për shpërndarjen e një kilogrami ose më shumë heroine, pesë kilogramë ose më shumë kokaine, 1000 kilogramë ose më shumë marihuanë dhe 500 gramë ose më shumë metamfetamina për import të paligjshëm në vend, raporton cnn.
Sipas një aktakuze penale, “ekziston një shkak i mundshëm për të besuar se, të paktën nga ose rreth vitit 2014 dhe të paktën më ose rreth 19 janarit të 2017, Coronel bëri me vetëdije dhe qëllimisht komplotoin me Guzman dhe të tjerët ” për të shpërndarë drogë.
Akuza thotë se FBI-ja beson se ajo merrte mesazhe nga Guzman përmes togerëve të tij, bashkëpunëtorëve dhe katër djemtë gjersa El Chapo ishte në një burg meksikan.
Pasi Guzmán u rikthye në Meksikë në janar 2016, gruaja e tij pretendohet se ishte angazhuar në planifikimin e një arratisjeje tjetër nga burgu para se të ekstradohej në Shtetet e Bashkuara në janar të 2017, thanë zyrtarët.
Guzman – i cili drejtoi një perandori globale të narkotikëve, korrupsionit dhe dhunës – u dënua pas një gjykimi në vitin 2019 dhe u dënua me burgim të përjetshëm.
Ndryshe, Guzman dhe Coronel janë martuar në vitin 2007. FBI-ja pretendon se babai i saj, Ines, ishte anëtar i kartelit të drogës së Guzmanit.
