Ligjvënësit e Virginias votojnë për legalizimin e marihuanës nga viti 2024

Amerika

Ligjvënësit e Virginias votojnë për legalizimin e marihuanës nga viti 2024

Më: 28 shkurt 2021 Në ora: 09:43
Foto ilustrim

Ligjvënësit e Virginias kanë dhënë miratimin përfundimtar mbrëmë për një projektligj që do të legalizojë marihuanën për përdorim rekreativ për të rriturit, por jo deri në vitin 2024, kur do të fillonin edhe shitjet me pakicë të ilaçit.

Me një projektligj kompromisi, Virginia bëhet shteti i parë i Jugut që voton për legalizimin e marihuanës duke u bashkuar me 15 shtete të tjera dhe Distriktin e Kolumbisë. Legjislacioni tani shkon për aprovim te guvernatori demokratik, Ralph Northam, i cili poashtu mbështet legalizimin.

Projektligji ishte një përparësi kryesore për Demokratët, të cilët formuluan legalizimin si një hap të domosdoshëm për t’i dhënë fund trajtimit të ndryshëm të njerëzve me ngjyrë sipas ligjeve aktuale të marihuanës.

Demokratët nuk ishin plotësisht të kënaqur me legjislacionin, pasi thanë se shpresonin që Northami t’u kthente legjislacionin përsëri me ndryshime, përfshirë përshpejtimin e datës për legalizimin.

Sipas legjislacionit që kaloi, posedimi deri në 28.3 gramë marihuanë do të bëhet i ligjshëm duke filluar nga 1 janari 2024, në të njëjtën kohë do të fillojnë shitjet dhe rregulloret që do të hyjnë në fuqi për të kontrolluar tregun e marihuanës në Virginia.

Sot mund të lexoni Shfletoni kopertinat