Sërish akuza ndaj guvernatorit të New York-ut për ngacmim seksual

Amerika

Sërish akuza ndaj guvernatorit të New York-ut për ngacmim seksual

Më: 28 shkurt 2021 Në ora: 12:10
Andrew Cuomo

Guvernatori i New York-ut, Andrew Cuomo, është akuzuar sërish për ngacmime seksuale nga një ish-këshilltare tjetër, pas akuzave nga ish-këshilltarja Lindsey Boylan.

Duke folur për “New York Times”, 25-vjeçarja Charlotte Bennett, një nga ish-këshilltaret e Cuomo-s, pretendoi se guvernatori i ka bërë asaj disa pyetje me përmbajtje seksuale pranverën e kaluar.

Bennett pretendoi se Cuomo e ka pyetur atë “nëse mosha është e rëndësishme në marrëdhëniet romantike” dhe “ka thënë se ai ishte i hapur për marrëdhënie me gratë në të 20-at e tyre”.

Duke bërë një deklaratë mbi këtë temë, Cuomo argumentoi se fjalët e tij ishin keqinterpretuar në atë masë sa kanë tejkaluar qëllimin.

Më parë, Lindsey Boylan, ish-këshilltare, gjithashtu pohoi në një artikull të botuar në faqen e internetit “Medium” se Cuomo ishte sjellë në mënyrë të pahijshme në zyrën e tij në vitin 2018, ndërkohë që guvernatori i ka mohuar këto akuza.

Sot mund të lexoni Shfletoni kopertinat