Kërcënohet me vdekje zv.presidentja amerikane Kamala Harris

Amerika

Kërcënohet me vdekje zv.presidentja amerikane Kamala Harris

Më: 18 prill 2021 Në ora: 07:29
Kamala Harris

Një infermiere nga Florida u arrestua të premten pasi kërcënoi që do ta vriste zëvendës-presidenten amerikane, Kamala Harris, sipas një ankese penale të depozituar në Gjykatën e Qarkut në SHBA për rajonin jugor të Floridas.

Sipas medieve të huaja, Niviane Petit Phelps, një nënë 39-vjeçare nga Miami, akuzohet për regjistrimin dhe dërgimin e disa videove te burri i saj i burgosur, në të cilën ajo diskutoi për vrasjen e Harris, thotë ankesa.

Midis 13 dhe 18 shkurtit, Phelps, “me vetëdije dhe me dashje bëri kërcënime për ta vrarë si dhe t’i shkaktojë dëmtime trupore zëvendës-presidentes së SHBA-së”, thuhet në ankesë.

Një agjent special i Shërbimit Sekret përgjoi komunikimet midis Phelps dhe burrit të saj të burgosur në JPay, një platformë komunikimi që lejon njerëzit të cilët nuk janë të burgosur të komunikojnë me njerëz brenda burgut.

Videot treguan se Phelps ankohej në kamera për urrejtjen e saj ndaj Harris, presidentit amerikan Joe Biden, dhe të tjerëve, sipas ankesës. “Kamala Harris ju do të vdisni. Ditët tuaja janë të numëruara tashmë”, deklaroi Phelps në një nga videot.

Shfaq komentet
comments powered by Disqus
Sot mund të lexoni Shfletoni kopertinat