Ivanka Trump, vajza e ish-presidentit amerikan, Donald Trump, gjatë javës e ka marrë dozën e parë të vaksinës kundër coronavirusit.
Ajo ka shpërndarë një fotografi në rrjetet sociale për të rritur ndërgjegjësimin që njerëzit të vaksinohen.
“Sot, e mora vaksinën! Shpresoj që ta bëni edhe ju!”, ka shkruar Ivanka që më pas e ka falënderuar infermieren që ia ka dhënë.
Dhe derisa shumëkush e ka uruar, ka pasur edhe shumë të tjerë që e kanë kritikuar lidhur me politikat e babait të saj gjatë periudhës së pandemisë.
Në anën tjetër, nuk kanë munguar edhe komentet refuzuese, të atyre që nuk duan ta marrin vaksinën.
